Huawei prezantoi FreeClip – kufje wireless me një dizajn unik të hapur për t’u mbajtur rehat gjatë gjithë ditës.
FreeClip është pjesë e programit të modës “Fashion Forward” të Huawei-t dhe është përgjigja ndaj asaj që Huawei thotë se është një demografi në rritje e dëgjuesve që duan kufje wireless që i lejojnë ata të përshtaten me mjedisin e tyre. Dizajni i FreeClip përmban tre pjesë – Comfort Bean, Acoustic Ball dhe C-bridge Design.
Comfort Bean përdor një formë fasule ergonomike që përshtatet me formën e veshit të njeriut. Acoustic Ball bazohet në format e vërteta të kanalit të veshit për të arritur një madhësi optimale dhe për të mos shkaktuar shqetësim. C-bridge Design vjen me një një sensor përshtatës që rregullon forcën shtrënguese të mekanizmit të kapëseve – duke u përshtatur në mënyrë perfekte.
Përveç kësaj, Huawei thotë se FreeClip është modeli i parë open-ear në industri që është i njejtë si për veshin e majtë dhe atë të djathtë. Për sa i përket specifikave, FreeClip mund të luajë audio deri në 32 orë dhe të karikohet plotësisht në 40 minuta – ndërkohë që 10 minuta karikim mund të dëgjoni deri në 3 orë.
Kufjet janë të papërshkueshëm nga spërkatjet dhe kanë çertifikim IP54. FreeClip vjen në Evropë në fund të dhjetorit, me një çmim përkatësisht prej 200 €.
Huawei gjithashtu bëri të disponueshëm globalisht tabletin flagship MatePad Pro 13.2”. Ai do të fillojë të porositet paraprakisht në Evropë më 8 janar dhe do të dalë në treg më 22 janar. Çmimet janë 999 € për modelin 12/256 GB, 1,199 € për 12/512 GB njësi, 199 € për tastierën magnetike inteligjente dhe 99 € për M-Pencil.
MatePad Pro 13.2″ fuqizohet nga Kirin 9000S SoC, përdor HarmonyOS 4 dhe ka deri në 16 GB RAM dhe 1 TB memorie në bord. Është ndërtuar rreth një ekrani OLED 13.2″ 144 Hz me rezolucion 2,880×1,920 piksel. Bateria ka kapacitet 10,100mAh dhe mund të karikohet në 88W. MatePad Pro 13.2 gjithashtu përmban gjashtë altoparlantë dhe tre kamera – 13MP parësore, 8MP ultrawide dhe selfie 16MP (dhe një sensor ToF 3D).
