Dhe pse ka kaluar një kohë të gjatë në planetin Mars, më tepër se 2 vite, helikopteri Ingenuity ka thyer dy rekorde të reja.
Ditën e diel helikopteri arriti të fluturonte në një shpejtësi 23.3km/h, duke mposhtur rekordin e mëparshëm prej 21.5km/h, si dhe u ngjit në një lartësi prej 16 metrash nga sipërfaqja (rekordi i mëparshëm ishte 14 metra). Këto të dhëna mbi 49 fluturimet e Ingenuity të kryera gjatë 2 viteve në Mars u raportuan nga NASA online.
Ingenuity u transportua në këtë planet përmes roverit Perseverance të NASA. Gjatë kësaj periudhe helikopteri ka performuar teste të ndryshme dhe aktualisht po përfundon një operacion demonstrimi mbi të cilin NASA do të frymëzohet për të zhvilluar sisteme të reja në të ardhmen.
Përmes një videoje të publikuar ditën e martë, Tedy Tzanetos foli nga Jet Propulsion Laboratory dhe tha se rekordet e vendosura nga Ingenuity po frymëzojnë zhvilluesit në dizenjimin e helikopterëve të së ardhmes.
“Këto përfitime që po vijnë nga sipërfaqja e Hënës dhe do të aplikohen në dizenjimin e helikopterëve të rinj në të ardhmen, dhe Ingenuity ka bërë një punë fantastike duke tejkaluar çdo lloj kufiri të vendosur nga imagjinata e pjesëmarrësve në ekipin tonë.” tha ai. “Gjenerata e ardhshme e helikopterëve do të jetë në gjendje jo vetëm që të marrë materiale dhe t’i vendosë ato në një tub provëzash, por dhe që të lëvizë në sipërfaqjen e planetit.”
