Herë pas here, teknologjia Find My e Apple rezulton e suksesshme për gjurmimin e mallrave të vjedhura. Në rastin më të fundit të një vjedhje në Connecticut, një Ferrari shumë i shtrenjtë u gjurmua pasi pronari milioner kishte lënë aksidentalisht AirPods në automjet.
Në Waterbury, Connecticut, departamenti i policisë nisi të ndiqnte të dyshuarin për vjedhjen e këtij automjeti shumë të shtrenjtë, një Ferrari i vitit 2023, me vlerë 575,000 dollarë. Forcat e rendit identifikuan dhe e u munduan të ndalonin makinën e vjedhur, por hajduti u largua me shpejtësi nga ai moment.
Për fatin e mirë të pronarit të makinës, ai kishte harruar AirPods brenda në automjet. Forcat e rendit të Waterbury më përdorën pikërisht kufjet për të gjurmuar vendndodhjen e makinës në një pikë karburanti në South Main Street.
Mësimi që nxjerrim nga kjo histori është që nëse jeni një milioner, të lini një palë AirPods ose pajisje të tjera gjurmuese në Ferrarin tuaj nuk është një ide e keqe. Për personat e tjerë që nuk duan të rrezikojnë kaq shumë, mund të vendosin në makinë një AirTag me një kosto shumë më të ulët.
