Teksa COVID-19 ka paralizuar botën, një tjetër shqetësim ngrihet nga ekpertët sa i përket shëndetit dixhital.
Ashtu siç ndodhi me tërmetin, ditët e sotme të gjithë e kemi një app apo website ku kontrollojmë rregullisht situatën, shifrat dhe përhapjen në hartë të virusit. Organizata Botërore e Shëndetit dhe ministritë e vendeve të ndryshme në botë raportojnë vazhdimisht, ndaj edhe janë të shumta faqet online të cilat i mbledhin këto të dhëna dhe të japin një panoramë më të qartë.
Por jo të gjitha janë të sigurta. Reason Labs ka lëshuar alarmin se hacker-at përdorin këto harta për të infektuar kompiutera me virusë të ndryshëm dhe ç’është më e keqja për të vjedhur të dhëna, emra, passworde, numra kartash krediti e cdo informacion delikat që mund të kesh në browser.
Për më tepër edhe historinë e browserit!
Hacker-at krijojnë faqe të tilla dhe gjithashtu ofrojnë aplikacione që mund ti shkarkosh për të qënë i informuar, por këto aplikacione në fakt janë viruse të rrezikshëm që mund të kompromentojnë jetën tuaj dixhitale.
Geek Room përpara pak kohësh prezantoi një hartë të sigurt nga burime të njohura, për hartën dhe arsyet pse është e sigurt hidhi një sy ketu.
Të jesh i informuar është sigurisht e rëndësishme por teksa tregon kujdes për higjenën personale edhe kujdesi dixhital nuk do ishte keq.
