Në fillim të këtij muaji, Google rifreskoi numrat e përhapjes së sistemit operativ Android 12 dhe zbuloi se ky sistem është i instaluar në 13.3% të të gjitha pajisjeve.
Para update-it të 4 gushtit, Google rifreskoi Android Platform/API Version Distribution në Android Studio në 9 maj. 4 muaj më parë, Android 12 nuk ishte listuar ende dhe numrat e shpërndarjes, njësoj si me këtë periudhë, ku Android 13 nuk është lançuar ende.
Megjithatë ka prova që sugjerojnë se shifrat e përdorimit të Android 12 ishin në 6.6%, por nuk u listuan në Android Studio. 9to5 Google ka krijuar një grafik ku tregon në bazë të të dhënave të prezantuara nga Google se si ishte shpërndarja në datën 9 maj dhe 4 gusht. Në grafikun e majit u arrit të llogaritej 93.3% e totalit, pasi këtu mungojnë Android 12 (së bashku me Android 12L dhe versionet e para beta të Android 13).
Në rastin e grafikut të muaji gusht, totali që arrihet nga përqindjet është 99.8%. Pjesa e mbetur mund të jetë Android 12L, e cila ka një nivel të veçantë API (32).
Ndërkohë, Android 11 është instaluar tashmë në 27% të pajisjeve nga 23.8% në maj. Ai mbetet versioni më i përdorur i Android në ditët e sotme, dhe ndiqet nga Android 10 me 22.3%. Android 9 Pie është ende në 14.5% dhe 4 vite pas publikimit të versionit stabël.
