Gjatë konferencës Google I/O, kompania prezantoi një mjet të ri të quajtur SynthID Detector, i cili do të shfrytëzohet nga përdoruesit për të verifikuar nëse përmbajtjet—si imazhe, tekst, audio ose video—është krijuar përmes inteligjencës artificiale të Google.
Siç e shpjegon Pushmeet Kohli nga Google DeepMind, ky mjet funksionon si një “portal verifikimi” që mund të identifikojë shpejt dhe saktë përmbajtje të gjeneruar nga AI dhe të zbulojë pjesët e përmbajtjes që ka më shumë gjasa të jenë të “vulosura” me një watermark SynthID.
Watermark i SynthID futet brenda përmbajtjes së krijuar nga modelet si Gemini, Imagen, Lyria dhe Veo, dhe është i padukshëm për syrin e lirë. Kjo ndihmon në sigurimin e transparencës së përmbajtjes, veçanërisht me rritjen e përdorimit të mediave të krijuara nga AI.
Kur përdoruesit ngarkojnë përmbajtje në portalin e SynthID Detector, mjeti e analizon për këto watermark. Për audio dhe video, ai tregon pjesët specifike ku zbulohen watermark-e, ndërsa për imazhet, thekson zonat që mund të jenë të shënuara. Për tekstin, sinjalizon nëse ndonjë pjesë është gjeneruar nga AI e Google.
Aktualisht, mjeti është në dispozicion për testuesit e hershëm, me një listë pritjeje për përdorues të tjerë. Google planifikon të përmirësojë mjetin bazuar në reagimet e marra përpara prezantimit më të gjerë. Qëllimi është të rritet transparenca dhe besueshmëria në përmbajtjen e krijuar nga inteligjenca artificiale.
