Kur Google vendosi të blinte Android dhe të futej në tregun e smartphone-ve, nuk kishte si qëllim të shndërrohej në një prodhuesin më të mirë të smartphone-ve. Kompania dëshironte që të krijonte një platformë ku njerëzit do të përdornin produktet e bazuara në Google Search kur të linin mënjanë laptopët për smartphone-t e tyre.
Google mund të jetë duke ndjekur të njejtën strategji për momentin, pasi e ka identifikuar produktin që do të zëvëndësojë iPhone-t dhe Pixel-at: Syzet AR.
Megjithatë kompania është më e interesuar që të sigurojë se njerëzit do të vazhdojnë të përdorin produktet e Google sapo syzet AR të nisin të përdoren në masë. Google ka nisur që tani të hedhë hapat në drejtim të gjenerimit të software-ve që do të jenë të gatshme për t’u përdorur në të ardhmen AR.
Ditën e enjte kompania lajmëroi rifreskimet e reja për 3 produktet kryesore: Google Search, Google Maps dhe Shopping. Tepër interesant ishte fakti se këto produkte u pajisën me rifreskime në eksperiencën AR.
Google Maps ofron një shërbim të mrekullueshëm Live View që ju lejon të përdorni kameran tuaj në kombinim me algoritmet AI për të gjetur atraksionet turistike më të vizituara në vendin ku ndodheni. Kjo eksperiencë do të jetë e gatshme të përdoret dhe në syzet AR në të ardhmen.
Google Search tashmë mbështet kërkimin “multisearch near me”, që lejon përdoruesit të kërkojnë përmes shkrepjes së një fotoje të produktit ushqimor dhe duke shkruar “near me”.
Google Shopping sjell shërbimet e reja AR Beauty dhe AR Shoes, që ju lejojnë të provoni produkte make-up dhe këpucë direkt nga internet.
