Bashkimi Evropian ka miratuar një tjetër legjislacion ambicioz për të kontrolluar botën online.
Gjatë mëngjesit të së shtunës u arrit marrëveshja për miratimin e Digital Services Act (DSA) i cili do të detyrojë kompanitë e teknologjisë të kenë më tepër përgjegjësi rreth përmbajtjeve që shfaqen në platformat e tyre. Si pjesë e këtyre obligimeve përfshihen fshirja e produkteve dhe përmbajtjeve ilegale më shpejt, shpjegimi kundrejt përdoruesve dhe studiuesve se si algoritmi i tyre funksionon dhe marrja e masave më të forta kundër keqinformimit.
Në rast se kompania nuk arrin të pajtohet me këtë legjislacion, atëherë mund të gjobitet me deri në 6% të fitimeve vjetore të tyre. “DSA do të rifreskojë të gjitha rregullat bazë për shërbimet online në Bashkimin Evropian” tha presidentja e Komisionit Evropian Ursula von der Leyen në një deklaratë për shtyp. “Ky hap shpjegon në mënyrë praktike se ajo që është e paligjshme offline do të jetë e paligjshme dhe online. Sa më e madhe shkelja, aq më të mëdha do të jenë përgjegjësitë.”
Disa nga pikat kryesore të këtij legjislacioni do të jenë:
- Dënimi i reklamimit objektiv të bazuar në besimin, orientimin seksual apo etnicitetin e një përdoruesi.
- Anulimi i abonimeve të bëra duhet të jetë po aq i thjeshtë sa regjistrimi në to
- Platformat e mëdha si Facebook do të duhet të bëjnë sa më transparente punën mbi algoritmin e rekomandimit.
- Platformat online do të duhet të shpjegojnë qartësisht kur fshijnë një përmbajtje ilegale, dhe duhet t’u japin përdoruesve mundësinë e apelimit të këtij vendimi.
- Platfomat e mëdha do të duhet të dorëzojnë të dhënat kryesore drejt studiuesve për të “zbuluar rrisqet e lidhura me botën online”
Më tepër informacione mund të gjeni në website-in zyrtar të Komisionit Evropian.
