Asistentët virtualë gjatë viteve të fundit kanë tërhequr gjithnjë e më pak vëmendjen e përdoruesve të smartphone-ve gjatë viteve të fundit, megjithatë herë pas here kryhen testime për të parë se cili prej tyre është më praktik.
Nuk është aspak surprizues fakti se Google Asisstant u kurorëzua si “asistenti virtual më i mirë” në një garë ku ndodheshin dhe Siri, Bixby apo Alexa, por krahasimi më i ri tregon diferencën e madhe midis Google Assistant dhe asistentëve të tjerë dixhitalë.
YouTuber-i i njohur MKBHD vendosi që të krijojë një video të re ku krahason asistentët dixhitalë në smartphone të ndryshëm, duke u bazuar në saktësinë dhe funksionalitetin e përgjithshëm. Të 4-t asistentët janë të mirë në gjenerimin e të dhënave të përgjithshme, si përshembull tregimin e parashikimit të motit, vendosja e një kohëmatësi, por situata ndryshon kur vjen puna tek ndërveprimi me aplikacione të ndryshme.
Google Assistant dhe Bixby ishin 2 asistentët që kishin kontrollin më të madh mbi smartphone-t, me mundësinë për të ndërvepruar me aplikacione të ndryshme dhe duke nisur shkrepjen e një fotografie apo një regjistrim zanor.
Rezultatin më të dobët në këtë krahasim e kishte Alexa, kryesisht për shkak se ky asistent nuk është pjesë e smartphone-ve. Alexa nuk ishte në gjendje të bashkëpunonte me aplikacionet e tjera, e kishte të vështirë të gjente fakte të ndryshme, si dhe shfaqte reklamime të herëpashershme të Amazon.
