Një formë e re revolucionare e SSD-ve, e quajtur E2, pritet të revolucionarizojë ruajtjen e sasive të mëdha të të dhënave në një format shumë kompakt, duke ngushtuar diferencën mes hard drives dhe solid-state drives. Ky SSD me bazë QLC flash raportohet se mund të ruajë deri në 1 petabyte (1 milion gigabyte) të dhëna, duke ofruar performancë të krahasueshme me SSD-të më të avancuara.
Ky disk i gjeneratës së re po zhvillohet bashkërisht nga Storage Networking Industry Association (SNIA) dhe Open Compute Project (OCP) për ruajtjen e të ashtuquajturave të dhëna “warm” – të dhëna që kërkojnë shpejtësi leximi/shkrimi më të lartë se zgjidhjet tradicionale, por që nuk aksesohen aq shpesh sa “hot data“. Shembuj përfshijnë: të dhëna aplikacionesh, logs, analiza dhe kopje rezervë. Kërkesat në rritje të aplikacioneve me AI dhe shërbimeve të reja dixhitale i kanë bërë këto të dhëna më të aksesueshme, duke i zhvendosur nga kategoria “cold” në “warm“.
E2 SSD do të konfigurohet në një formë të ngjashme me një vizore për ruajtjen e të dhënave: 200 mm gjatësi, 76 mm lartësi dhe 9.5 mm trashësi. Një server 2U mund të mbajë deri në 40 drives të tillë, duke ofruar 40 PB kapacitet total. Performanca pritet të jetë 8-10 GB/s për modelin 1 PB, me ndërfaqe PCIe 6.0 x4 dhe protokoll NVMe. Çdo disk do të ketë të paktën 64 paketa NAND dhe mund të konsumojë deri në 80W energji.
SNIA dhe OCP përfshijnë anëtarë si Meta, Microsoft, Samsung, Micron, Pure Storage dhe SanDisk. Disa kompani kanë nisur prezantimin e prototipeve; për shembull Pure Storage prezantoi një prototip 300 TB në maj.
