Samsung ka pasur prej shumë vitesh një ndër dizajnet më ikonike në orat e saj smart, me mekanizmin rrotullues. Mirëpo duket se këtij dizajni i ka ardhur fundi, pasi raportimet e reja po tregojnë se në serinë Galaxy Watch 5 asnjëra nga pajisjet nuk do ta ketë të pranishëm mekanizmin rrotullues.
Seria e 5-të e Galaxy Watch do të përbëhet nga 2 madhësi të ndryshme të të njejtës orë smart, ku Galaxy Watch 5 Pro do të vijë me një dizajn dhe bateri më të madhe.
Unfortunately, the galaxy watch5 Pro will disappoint you
— Ice universe (@UniverseIce) May 31, 2022
Lajmi për mos përfshirjen e mekanizmit rrotullues në Galaxy Watch 5 Pro vjen nga një leaker mjaft i besueshëm, i quajtur iceuniverse, i cili komentoi në Twitter se Galaxy Watch 5 Pro do të “zhgënjejë” përdoruesit, nën një postim ku flitej për mekanizmin. Kjo gjë nënkupton se me shumë mundësi ai nuk do të jetë i pranishëm në gjeneratën e re të orave smart nga Samsung, dhe pse fillmisht një gjë e tillë nuk ishte parashikuar.
Megjithatë, për të gjithë personat që janë mësuar me përdorimin e një sistemi të tillë, mund të aktivizojnë versionin virtual të këtij shërbimi, duke prekur pjesën anësore të ekranit dhe pajisja do t’ju japë një feedback nëpërmjet vibrimit.
