Samsung sapo prezantoi teknologjinë e re të ftohjes hibride AI që vjen në frigoriferët e saj në vitin 2025. Ata do të përdorin një kompresor tradicional së bashku me një modul të ri Peltier – një pajisje gjysmëpërçuese që transferon nxehtësinë nga njëra anë në tjetrën kur kalon rryma përmes saj.
Kjo gjë bën që temperatura në çdo hapësirë të frigoriferit të jetë ideale për t’i mbajtur ushqimet më të freskëta më gjatë ndërkohë që shfrytëzohet më mirë hapësira e brendshme, sipas Samsung.
Efekti Peltier është diçka që e kemi parë të shfrytëzuar në kondicionerët personalë që mund të mbahen në trup apo karriget me mikroklimë. Kjo është hera e parë që mund të jetë përdorur në një frigorifer me madhësi të plotë të shitur nga një kompania e madhe. Samsung thotë se moduli Peltier vihet në veprim vetëm kur nevojitet ftohje e konsiderueshme. Kjo mund të jetë pasi të keni futur në frigorifer produkte të shumta ose kur shtoni ushqime të nxehta.
Në këto situata, moduli Peltier punon së bashku me kompresorin për të shmangur një rritje të madhe të temperaturës së brendshme. Në situata të tjera, frigoriferi mbështetet ekskluzivisht në kompresor për efikasitet optimal të ftohjes. Samsung thotë se teknologjia e saj hibride e ftohjes AI do të integrohet në një frigorifer (modeli RM80F23VM) që mund të “njihet si më efikasi i Energy Star në 2025”.
Frigoriferët e Samsung që paraqesin teknologjinë e re të ftohjes hibride do të jenë të disponueshme me një kapacitet prej 900 litrash. Kompania thotë se ata kanë një rritje prej 25 litrash në hapësirën e brendshme të përdorshme si rezultat i përdorimit të një moduli Peltier në vend të elementeve tradicionale të ngrohjes. Dhe sipas Samsung, ftohja e tij hibride mund t’i mbajë ushqimet më të freskëta për më gjatë, me testet që tregojnë se mishi i derrit zgjat 1.4 herë më shumë dhe salmoni 1.2 herë.
Prisni të dëgjoni më shumë nga Samsung për frigoriferët e tij hibrid ftohës në fillim të janarit, kur ekspozita e madhe tregtare CES 2025 të nisë në Las Vegas.
