Në një takim midis CEOs së TikTok, Shou Zi Chew, dhe deputetëve të Parlamentit Evropian që u zhvillua gjatë ditës së enjte, u zhvilluan disa diskutime të cilat preknin tematika të ndryshme në lidhje me rrjetin social.
Deputetët dëshironin të parapërgatisnin drejtuesin Chew duke i thënë se së shpejti TikTok do të duhet të pajtohet me rregullat e reja që përfshihen në aktin DSA (Digital Services Act), si dhe kërkuan më tepër informacione rreth sigurisë së përdoruesve dhe mbrojtjes së të dhënave të tyre.
Në këtë bisedim u diskutuan dhe siguria e fëmijëve në platformë, keqinformimi që vjen nga Rusia si dhe transparenca ndaj përmbajtjeve të reklamuara nga palët politike.
Gjatë kohëve të fundit TikTok është përballur me hetime të shumta nga qeveri të ndryshme, pasi ka patur ankesa të ndryshme nga autoritetet për mbrojtjen e konsumatorëve dhe të dhënave të tyre.
Për t’u përballur me këto akuza, TikTok iu është deshur të hapë disa qendra për t’iu përgjigur pyetjeve të vizitorëve dhe për të qenë sa më transparente. Gjithashtu kompania ka nisur zhvillimin e një qendre të dhënash në Dublin, ku do të ruhen të gjitha të dhënat e përdoruesve të TikTok në Evropë, për t’iu përgjigjur shqetësimeve në lidhje me sigurinë e të dhënave.
