Pas disa muajsh plot me raportime, Samsung më në fund mund të jetë gati të shfaqë një produkt tërësisht të ri: syzet inteligjente të shumëpritura. Kjo gjë mund të ndodhë në të njëjtin event Unpacked ku do të prezantohet dhe seria e smartphone-ve flagship Galaxy S25. Ndërsa Samsung nuk ka konfirmuar ende se një ngjarje e tillë do të zhvillohet, thashethemet e tjera tregojnë për një organizim në datën 23 janar.
Megjithatë, krahas telefonave të tij S25, Samsung thuhet se do të prezantojë syzet e tij inteligjente, megjithëse ato nuk do të dalin në treg menjëherë. Në vend të kësaj, prototipi do të na japë një shije të asaj që do të vijë në të ardhmen kur specifikat e plota të zbulohen më vonë, me Yonhap News që thotë se ato pritet të arrijnë në të vërtetë në tremujorin e tretë të 2025, por duke pasur parasysh vonesat me të cilat po përballen, nuk do të ishte çudi nëse ardhja në treg do të ndodhë më vonë gjatë 2025.
Duhet të sqarojmë se të gjitha këto janë vetëm raportime që vijnë në rrugë jo-zyrtare, dhe duhet të presim një konfirmim nga kompania për saktësinë e informacioneve.
Ne kemi pritur me durim për një përditësim mbi përpjekjet e Samsung XR që kur kompania njoftoi se do të dëgjonim diçka përpara fundit të vitit 2024 në eventin Unpacked të fundit.
Është e paqartë nëse po zhvillohet një alternativë për prototipin e syzeve Meta Orion AR, apo diçka më e thjeshtë si syzet Xreal Air 2 AR, por informacionet më të fundit tregojnë se Samsung është gati të sfidojë syzet inteligjente Ray-Ban Meta me këtë produkt.
