Tarifa prej 30% mesa duket në Rusi nuk u shikoka me sy të mirë.
Një ligjvënës Rus ka propozuar një ndryshim në ligj, i cili do të detyronte të gjitha kompanitë që kanë dyqane aplikacionesh ta ulnin tarifën e komisionit për çdo transaksion nga 30 në 20%. Ligji është propozuar që tani në parlament dhe në javët në vazhdim do të shkojë për t’u votuar. Pjesë e projektligjit është edhe një pjesë prej 1 të tretat nga ky komision duhet t’i shkojë qeverisë për të financuar trainimet e njerzve në IT.
Ky debat zhvillohet prej disa kohësh tashmë në shumë pjesë të globit teksa monopolet e Google apo Apple vihen sa vjen e më shumë nën lenten e autoriteteve ligjvënëse. Akuzat mbështeten nga zhvillues të shumtë ndër ta më i famshmi Epic vazhdon fushatën #FreeFortnite.
Muajin e shkuar autoritetet Ruse zbuluan se Apple kishte abuzuar kur kishte bllokuar një app të bërë nga Kaspersky i cili kontrollonte kohën që fëmijët shpenzonin në ekrane.
Nuk dihet sa mbështetje do të marrë propozimi i hedhur nga një pjestar i vetëm i parlamentit, por qëndrimi i përgjithshëm i vendit kundrejt Apple nuk duket fort i shkëlqyeshëm ndaj gjithçka mund të ndodhë.
