Njësoj si smartphone-t, dhe aksesorët e smartphone-ve përmirësohen nga viti në vit. DJI ka publikuar një stabilizues të ri për smartphone, të quajtur Osmo Mobile 6 i cili vjen me një shërbim të ri Quick Launch që pritet ta bëjë pajisjen 3 herë më të shpejtë për t’u përdorur.
Kjo pajisje ka një dizajn tepër të ngjashëm me Osmo Mobile 5, mirëpo tani ka dhe një ekran të vogël ku tregohen qartë modaliteti në të cilin kjo pajisje është si dhe se sa bateri ka ngelur në pajisje. E pranishme është dhe rrota e anësore për të kontrolluar fokusin dhe zoom-in për video kinematografike.
Ky gimbal do të jetë menjëherë i gatshëm për t’u shitur në website-in e DJI dhe do të jetë pak më i shtrenjtë se Osmo Mobile 4 dhe 5, në $159. Të përfshira në paketim janë stabilizuesi, një tripod taboline, një çantë, një rrip dore dhe një kabëll karikues.
Të disponueshëm janë dhe aksesorët si Fill Light, DJI Mic, por ato rrisin ndjeshëm çmimin e Osmo Mobile 6.
Kush janë shërbimet kryesore të DJI Osmo Mobile 6?
Ekrani i ri shfaq 4 modalitete, dhe duke klikuar mbi butonin M ju mund të navigoni mes tyre:
- Follow: kamera ndjek ndryshimet horizontale dhe vertikale në lëvizjen e gimbalit dhe qëndron në një nivel gjatë lëvizjeve.
- Tilt Lock: kamera ndjek vetëm ndryshimet horizontale të gimbalit dhe qëndron i stabilizuar gjatë lëvizjeve horizontale apo rrotullimeve, ideale për t’iu afruar pranë subjekteve.
- FVP: në modalitetin FVP, të 3 akset e gimbalit ndjekin ndryshimet në lëvizje
- Spinshot: lëvizni joystick djathtas apo majtas për të kontrolluar rrotullimin e kameras për video kreative.
