Pavarësisht përparimeve të mëdha, ChatGPT duket ende më pak i aftë — të paktën në një detyrë — sesa një konsolë lojërash të prodhuar nga Atari gati 50 vite më parë.
Inxhinieri i softuerit në Citrix, Robert Caruso, tregoi në një postim në LinkedIn se si ChatGPT “u shkatërrua plotësisht” nga Atari 2600 pasi luajtën Atari Chess, një lojë e vitit 1979. Edhe pse kjo konsolë është mjaft e thjeshtë dhe me kapacitet të kufizuar, ajo arriti të mposhtte një nga modelet më të avancuara të inteligjencës artificiale moderne.
Sipas Caruso, ChatGPT ishte kurioz të shihte se sa shpejt mund të fitonte ndaj një loje që mendon vetëm 1-2 lëvizje përpara. Megjithatë, performanca e tij ishte zhgënjyese: modeli ngatërroi figurat, gaboi në leximin e lëvizjeve dhe humbi vazhdimisht gjurmën e pozicioneve në fushë. Edhe pas kalimit në notacion standard të shahut, ChatGPT vazhdoi të bënte gabime të rënda.
Për rreth 1 orë e gjysmë, ChatGPT “bëri mjaftueshëm gabime sa për t’u vënë në lojë nga një klub shahu për klasën e tretë”, siç shkruan Caruso. Modeli këmbëngulte se do të fitonte “nëse thjesht do ta fillonim nga e para”, duke e bërë përvojën edhe më absurde.
Ndërkohë, motori modest 8-bit i Atari thjesht funksiononte në heshtje, pa model gjuhësor apo “inteligjencë” të ndërlikuar — vetëm një algoritëm bazë i analizës së tabelës. Ky shembull tregon kufizimet aktuale të AI moderne në kontekste ku përpunimi i gjuhës natyrore nuk mjafton për të mposhtur edhe logjikën më të thjeshtë algoritmike.
