Qualcomm do të sjellë një çip të ri VR/MR në CES 2024 në Las Vegas.
Snapdragon XR2+ Gen 2 është një përditësim i versionit XR2 Gen 2 që u prezantua në shtator. Çipi është menduar për t’u përdorur në VR headset dhe pajisje të tjera të realitetit virtual. Snapdragon XR2+ Gen 2 mbështet rezolucion 4.3K për sy, krahasuar me 3K për sy me versionin e mëparshëm dhe mund të integrohet me deri në 12 kamera njëherësh, nga 10, për gjurmimin e lëvizjeve të trupit. Për këtë qëllim, Qualcomm premton se pajisjet me këtë çip do të jenë në gjendje të kalojnë ngjyrat e plota drejt syve në më pak se 12 ms.
Për sa i përket specifikimeve standarde, XR2+ Gen 2 do të jetë në gjendje të trajtojë përmbajtjet deri në 90 fps. Ky çip përfaqëson gjithashtu një rritje të përafërt të shpejtësisë së CPU-së prej 20% dhe një rritje të GPU-së prej 15% në krahasim me çipin e vitit të kaluar.
Vlen të përmendet se e të gjitha këto gjenden në një çip për të zënë sa më pak hapësirë, pasi ajo është e limituar në shumë VR headsets. Qualcomm po sjell vetëm çipin në CES dhe nuk ka lajmëruar për asnjë pajisje tjetër që do të prezantohet së bashku me të. Megjithatë, kompania ka thënë se është duke punuar në diçka me Samsung dhe Google që do të përfshijë XR2+ Gen 2. Çipi i mëparshëm XR2 Gen 2 fuqizon Meta Quest 3 të lançuara së fundi, kështu që ky përmirësim duhet të bëjë të mundur përmirësimin e VR Headsets në të ardhmen e afërt.
