CEO i Apple së bashku me Jeff Williams po shtyjnë punonjësit që të përgatisin për lançim gjeneratën e parë të AR/VR Headest, dhe pse ekipi i dizenjuesve në këtë sektor nuk është dakord. Një lajm i tillë është bërë i ditur nga Financial Times.
Ekipi i dizenjuesve tregojnë se pajisjet në këtë kategori nuk janë ende gati për t’u prezantuar dhe dëshirojnë që lançimi të shtyhet deri sa një produkt AR glasses të jetë maturuar disa vite më vonë. Megjithatë ekipi operacional i Apple dëshiron që të prezantojë një version të hershëm të këtij produkti që kanë formën e syzeve të skive, të cilat do të lejojnë përdoruesit të shikojnë video 3D apo të kryejnë videotelefonata me avatarë virtualë.
Tim Cook mbështeti mendimin e drejtuesit të grupit operacional Jeff Williams, duke refuzuar kërkesat e ekipit të dizenjuesve për shtyrjen e datës së lançimit të këtij produkti. Që nga largimi i Jony Ive në 2019, ekipi i dizenjuesve në Apple i raporton në mënyrë të drejtpërdrejtë Jeff Williams.
Dhe pse ishte dizajni elementi më i rëndësishëm në produktet e prezantuara nga Steve Jobs, punonjësit kanë bënë re se ekipi operacional po merr kontrollin nën drejtimin e Cook.
Raportimet tregojnë se pajisja AR/VR Headset ka 7 vite që është në zhvillim e sipër, dhe duket sikur Cook është nën presion për të prezantuar sa më parë këtë produkt. Pritet që kompania të shesë rreth 1 milionë produkte të tilla gjatë vitit të parë. Duhet të rikujtojmë se pajisjet pritet të kushtojnë rreth $3,000.
