Apple sapo prezantoi modelin e ri MacBook Air 2025 me procesorin M4, dhe gjatë prezantimit bëri një deklaratë mjaft fuqishme. Në mënyrë të veçantë, Apple thotë se MacBook Air i ri është deri në 23 herë më i shpejtë se modeli i fundit i fuqizuar nga një procesor Intel.
Së pari, Apple tha se krahasoi një MacBook Air të ri 2025 me një çip M4 me 10 cores dhe 32 GB RAM me një MacBook Air të vitit 2020 me një procesor Intel Core i7 me 4 cores dhe 16 GB RAM. Të dy modelet MacBook Air u konfiguruan me një SSD 2TB. Këto janë specifikimet më të mira që janë ose ishin të disponueshme për secilin prej këtyre modeleve MacBook Air. Pra, Apple e krahasoi modelin e ri me MacBook Air më të shpejtë Intel të prodhuar ndonjëherë.
Së dyti, Apple tha se testi i saj konsistonte në përdorimin e veçorisë Super Resolution në një imazh 4.4 MB në aplikacionin e redaktimit të imazheve Pixelmator Pro – të cilin tani e zotëron. Funksioni përdor machine-learning për të rritur rezolucionin e imazheve, duke ruajtur mprehtësinë dhe detajet. Ishte pikërisht ky testim që tregoi se Macbook Air M4 ishte 23 herë më i shpejtë se MacBook Air i fuqizuar nga Intel.
Apple ofroi disa informacione të tjera në lidhje me ndryshimet midis dy modeleve. Performanca e llogaritjes së një Spreadsheet në Microsoft Excel është deri në 4,7 herë më e shpejtë se MacBook Air më i shpejtë Intel dhe deri në 1,6 herë më i shpejtë se MacBook Air 13 inç me M1.
Editimi i videove në iMovie është deri në 8 herë më i shpejtë se MacBook Air më i shpejtë i bazuar në Intel dhe deri në 2 herë më i shpejtë se MacBook Air 13 inç me M1. Editimi i fotografive në Adobe Photoshop është deri në 3,6 herë më i shpejtë se MacBook Air Intel dhe deri në 2 herë më i shpejtë se MacBook Air 13 inç me M1. Gjithashtu shfletimi në ueb është deri në 60% më i shpejtë në krahasim me një kompjuter me një procesor Intel Core Ultra 7.
