Planet e Apple për të pezulluar prodhimin e iMac Pro kanë filluar që në fillim të marsit por produkti gjendej ende në website gjatë kësaj kohe. Tani kjo seri është fshirë nga aty duke e bërë iMac Pro të pamundur për t’u blerë.
Pasi modelet e mbetura u shitën plotësisht në ditën e premte, iMac Pro nuk u shfaq më në apliakcionin Apple Store. Gjithashtu Apple ndërroi referencat e modeleve të iMac Pro nga “2017 and later” në “2017”, gjë që tregon se nuk do të prodhohen më modele të reja të tij. Megjithatë personat që kanë shumë dëshirë të kenë një produkt të tillë mund të gjejnë disa modele në dyqanin Refurbished të Apple.
Për herë të parë iMac Pro u prezantua si kompjuteri më i fuqishëm i kohës në 2017, me proçesorin high-end Intel Xeon. Përveç disa update-ve të vogla në konfigurim, iMac Pro nuk është rifreskuar që atëherë. Si rezultat, modelet e tjera iMac, si iMac 27 inç, zunë vendin e saj.
Sipas raportimeve të fundit Apple po punon në një seri të ridizenjuar të iMac të ngjashëm me Pro Display XDR dhe me proçesorë Apple Silicon.
