Ajo që dikur bëhej me mesazhe në WhatsApp ose në grupe të Facebook-ut, tani mund të realizohet me pak klikime nga smartphone-i. Dhe po flasim për diçka serioze: blerje dhe shitje makinash në Shqipëri, Kosovë dhe Maqedoni e Veriut. Platforma që po e mundëson këtë quhet Harnex.
Një startup ballkanik me ritëm evropian
E krijuar për të thjeshtuar dhe modernizuar tregtimin e veturave në rajon, Harnex është tashmë një nga platformat më të shpejta në rritje për blerje-shitje makinash, me mijëra përdorues, listime falas dhe një aplikacion që funksionon në iOS dhe Android.
Mbështetur nga EU4Innovation, Harnex po përfiton nga investimet teknologjike për të ofruar një përvojë të thjeshtë, të sigurt dhe të drejtë për të gjithë.
Çfarë e bën ndryshe?
- Listime falas për të gjithë, si individë, ashtu edhe kompani. Mbi 20 kompani tashmë janë regjistruar dhe kanë profil të plotë me veturat e tyre dixhitalisht.
- Regjistrim dhe listim veturash në vetëm 100 sekonda.
- Filtra të avancuar për të kërkuar saktësisht atë që të duhet: nga karburanti e kilometrazhi, te marshet automatike, ngjyra apo shteti i origjinës.
- Listime të verifikuara ku çdo veturë kontrollohet për foto reale dhe të dhëna të sakta, duke ulur ndjeshëm mundësinë e mashtrimeve.
- Ruajtje të automjeteve të preferuara për t’i krahasuar më vonë.
Lokale, por me standarde të larta
Platforma ofrohet në 3 gjuhë (shqip, anglisht, maqedonisht) dhe mbështet çmime në euro, ndërsa shërbimi ndaj klientit është i ndarë sipas shtetit. Dhe me një ndërfaqe super të pastër dhe intuitive, që kushdo mund ta përdorë.
Pse ka rëndësi?
Në një rajon ku tregu i makinave ka qenë për vite të tëra i mbështetur te rrjetet sociale dhe shitje spontane, Harnex po krijon një ekosistem të organizuar, të verifikueshëm dhe të besueshëm. Dhe nëse ky është vetëm fillimi, atëherë industria duhet të mbajë sytë nga Ballkani
