Anker gjatë kohëve të fundit ka treguar se do të tërheqë vullnetarisht Power Bank 535 (PowerCore 20K) pasi ekziston një rrisk i shpërthimit në flakë të baterisë për shkak të një problemi me mbinxehjen.
Ky Power bank u prezantua në treg me çmimin $110 dhe ka një kapacitet 19,200mAh ndërkohë që karikon pajisjet tuaja me shpejtësi deri në 60W. Anker e reklamonte këtë Power bank kryesisht për laptopët. Në pjesën e poshtme të Power bank ju do të gjeni kodin A13366 të shkruajtur për identifikimin e këtij modeli.
Anker ka vendosur të bashkëpunojë me agjencitë lokale të qeverisë për të siguruar një tërheqje të sigurt të këtyre produkteve, dhe kërkon nga të gjithë klientët që kanë Power Bank 535 të ndalojnë së përdoruri pajisjen dhe ta dorëzojnë atë në një fabrikë që pranon bateritë litium. Pas dorëzimit, klinetët që blenë këtë Powerbank mund të rimbursohen në website-in e Anker.
Sipas Anker, vetëm një numër i vogël i Power bank të shitura kanë një problem të tillë. Power Bank 535 cilësohet si shkaku kryesor i shkrumbimit të një shtëpie nga zjarri në Maryland. Zjarri fillimisht u përhap në çantën ku gjendej Powerbank, i cili ishte përdorur një javë më parë. Në çantë nuk kishte asnjë pajisje tjetër elektrike që mund të kishte shkaktuar këtë zjarr.
