Një trend gjatë vitit të kaluar bëri të mundur që nga fotografi të ndryshme, sidomos të personave që kishin ndërruar jetë më parë, të krijoheshin video të shkurtra të animuara ku personat mund të lëviznin. Disa prej përdoruesve menduan se një gjë e tillë ishte mjaft e bukur, por për disa të tjerë këto video të animuara ishin tepër të frikshme.
Genealogy platform MyHeritage introduced a new AI tool that allows you to animate old photographs of dead relatives. The results are…something. ? pic.twitter.com/u0OuYkCPK3
— Tony Ho Tran (@TonyHoWasHere) February 27, 2021
Një fakt akoma më i frikshëm është dhe plani i Amazon për të ofruar një shërbim të ri që do të bëjë të mundur që Alexa t’ju përgjigjet me zërin e një të afërmi tuaj që ka ndërruar jetë. Kjo gjë u bë e ditur gjatë konferencës së Amazon MARS (Machine learning, Automatisation, Robots and Space).
Nëpërmjet këtij shërbim Amazon tregoi se ka si qëllim të “bëjë që kujtimet të zgjasin” dhe po punon për krijimin e një sistemi që do të dëgjojë zërin e personit që ju dëshironi përmes një regjistrimi audio ndërkohë që ai flet për më pak se 1 minutë.
“Dhe pse inteligjenca artificiale nuk mund të eleminojë dhimbjen e humbjes së një personi të dashur, mund të bëjë që kujtimi i tyre të zgjasë.” tha Rohid Prasad, zëvëndës presidenti i Alexa Team.
Më pas ai i kërkoi Alexas: “A mundet që gjyshja ime të më lexojë përfundimin e Magjistarit të Ozit?” dhe Alexa përgjigjet: “OK” dhe fillon të lexojë librin në zërin e gjyshes.
Përveç se është tepër i frikshëm, ky shërbim sjell dhe disa shqetësime sigurie. Në këtë mënyrë mund të bëhet i mundur keqpërdorimi i zërit të një personi.
