Nëse një apo dy ekrane të laptopit tënd nuk të dalin, Expanscape të jep 7 të tillë.
Po po e lexove tamam, një laptop plotësisht i transportueshëm me 7 ekrane funksionalë.
Aurora 7 ka ekrane të përmasave të ndryshme të cilët shpalosen si një thikë zvicerane, duke plotësuar çdo kërkesë të imagjinueshme. Edhe pse ende vetëm prototip, kompania planifkion ta sjellë në treg sa më shpejt të jetë e mundur.
Ky laptop bishë ka një ekran kryesor 17,3″ por edhe tre të tjerë po 17,3″ të cilët hapen me rrotullim, njëri prej tyre është në orientim panoramik fiks mbi kryesorin dy të tjerët hapen anash në drejtim vertikal. Të gjithë kanë një rezolucion 3840×2160 dhe shkallë rifreskimi 60Hz. Tre mini ekrane të tjerë janë dy mbi ekranet vertikal dhe një poshtë tastierës.
Për të fuqizuar kompiuterin është përdorur një proçesor Intel Core i9-9900K dhe kartë grafike Nvidia GeForce GTX 1060. Për të përballuar këtë mori ekranesh njëherësh është i pajisur me 64GB DDR4 RAM, hapësira është opsionale.
Një aparat i tillë normalisht kërkon edhe sasi energjie kolosale, ndaj ai ka dy bateri një 82Whr dhe një 148 Whr, por sigurisht nuk mund të jetojë më gjatë se dy orë punë.
Ah edhe diçka e fundit, produkt mjaft ndihmës edhe për të apasionuarit e palestrës, sepse peshon ca: 17kg.
