Apple mbajti ditën e djeshme eventin “Far Out” i cili ishte i tejmbushur me produkte majft interesante, si linja e smartphone-ve iPhone 14, 3 Apple Watch të reja dhe gjenerata e re e AirPods Pro.
Më poshtë do të njihemi me 9 produktet më kryesore të prezantuara gjatë këtij eventi.
Rifreskimi i linjës së iPhone-ve me një model Plus
iPhone 14 nuk solli shumë përmirësime krahasuar me iPhone 13, pasi që të dyja pajisjet përdorin proçesor A15 dhe të njejtin notch. Megjithatë Apple ndryshe nga viti i kaluar, prezantoi një model të ri iPhone 14 Plus me ekran 6.7” dhe përmirësime në baterinë e pajisjes. Për të mësuar më tepër rreth këtyre smartphone-ve klikoni këtu.
iPhone 14 Pro vjen me pamjen e re pa notch të quajtur “Dynamic Island”
iPhone 14 Pro dhe 14 Pro Max vijnë me përmirësime më të dallueshme, duke përfshirë këtu dhe dizajnin e ri pa notch, por me një prerje të re ku përfshihet sistemi Face ID dhe kamera selfie. Modelet Pro vijnë gjithashtu me proçesorin e ri A16. Klikoni këtu për më tepër informacione.
Apple do të shesë vetëm iPhone eSIM në SHBA
Apple lajmëroi se nuk do të përfshijë hapësira për kartat SIM në modelet e reja që do të shiten në SHBA. Në vend të saj, pajisjet do të përdorin eSIM, që njihet ndryshe dhe si karta dixhitale SIM.
iPhone 14 mund të dërgojë mesazhe emergjente përmes satelitëve
Apple ka shtuar në pajisjet e reja lidhje satelitore të cilat janë shumë të nevojshme në situata emergjente kur ju ndodheni në një ambient pa valë celulari. Shërbimi do të jetë falas për dy vitet e para dhe momentalisht është i pranishëm në SHBA dhe Kanada.
Apple prezanton Apple Watch Ultra për sporte ekstreme
Ora më e re smart nga Apple vjen me një dizajn më të fortë, pasi është dizenjuar të përdoret nga atletët e sporteve ekstreme. Kjo orë ka një kasë 49mm titanium, një material tepër rezistent, së bashku me një buton ekstra që mund të personalizohet sipas dëshirës.
Apple Watch Ultra ofron deri në 36 orë bateri me një karikim të vetëm, ndërkohë që në të ardhmen përmes një softëare update pritet që jetëgjatësia e baterisë së orës të shkojë deri në 60 orë.
Ora do të kushtojë $799.
Apple Watch Series 8 (fillon nga $399) vjen me sensorë të rinj për matjen e temperaturës
Seria e 8-të e orave smart nga Apple përfshin dy sensorë të rinj për matjen e temperaturës të cilët mund të njohin ndryshimet e vogla deri në 0.1 gradë Celsius.
Rikthehet Apple Watch SE
Apple ka prezantuar gjeneratën e re të Apple Watch SE, e cila vjen me një proçesor të ri që e bën pajisjen 20% më të shpejtë dhe shërbimin crash detection. Kjo orë do të kushtojë $249.
Prezantohet gjenerata e 2-të e AirPods Pro
AirPods Pro 2 vijnë me proçesorin e ri H2 dhe spatial audio. Gjithashtu bateria e kufjeve është përmirësuar deri në 30 orë së bashku me kasën karikuese.
AirPods Pro 2 do të kushtojnë $249.
Gjithashtu është bërë e ditur se iOS 16 dhe watchOS 9 do të vijnë drejt përdoruesve në datën 12 shtator.
