Ndërkohë që bizneset dhe shoqëria në tërësi po ndërthuren më shumë me teknologjinë, vihet re një kërkesë e madhe për individë me aftësi në fushën e IT. Ky sekor në Shqipëri po sheh një rritje të vazhdueshme në talente të rinj dhe mundësi fantastike punësimi.
Pra, nëse jeni në fushën IT dhe dëshironi të ndryshoni pozicion ose po kërkoni të siguroni rolin tuaj të parë në këtë sektor, këto janë 5 profesionet më të kërkuara në IT për vitin 2021.
1. Artificial Intelligence Specialist
Një Artificial Intelligence Specialist krijon teknologji të inteligjencës artificiale dhe machine learning të cilat mundësojnë simulimin e trurit nga programet kompjuterike. Përgjegjësitë specifike të punës mund të ndryshojnë po mund të përfshijnë machine learning engineers, business intelligence developers ose artificial intelligence architects.
Sipas raportimit “2020 Emerging Jobs Report” të LinkedIn që është i bazuar në të dhënat e mbledhura nga i njëjti vit, ky pozicion renditet në vendin e parë, me një shkallë rritëse 74% për çdo vit përgjatë 4 viteve të fundit.
2. Information Technology Manager
IT managers janë përgjegjës për vizionet afarshkurtra dhe afatgjata teknologjike të kompanisë. Këto menaxherë normalisht kanë një diplomë bachelor në shkenca kompjuterike, ndërkohë që të tjerët mund të kenë dhe një diplomë master ose një diplomë të avancuar në degë të ngjashme me shkencat kompjuterike. Tipikisht një IT manager duhet të ketë disa vite eksperiencë në profesionet që lidhen me IT.
3. Software Development Engineer
Software Development Engineers (siç njihen ndryshe software developers) janë persona që krijojnë software programs, aplikacione, rrjete dhe sisteme operative. Pozicionet si një software developer mund të fokusohen në pjesën front-end të aplikacioneve që ndërvepron me përdoruesin, pjesën back-end që përmban kodin e aplikacionit ose në të dyja.
4. Data Scientist
Data Scientists përdorin teknologjitë e avancuara analitike si machine learning, AI dhe predictive modeling për të grumbulluar, analizuar dhe kuptuar më mirë sasitë e mëdha të të dhënave. Pozicioni i Data Scientist është një pozicion relativisht i ri që ka tërhequr shumë interes falë rritjes së grumbullimit të të dhënave.
Sipas “2020 Emerging Jobs Report” këto pozicione janë rritur me 34% çdo vit për 4 vitet e fundit. Sigurisht, është një ndër punët më të paguara.
5. Information Security Analyst
Këto persona mundohen të mbikëqyrin dhe të mbrojnë kompjuterat dhe rrjetin e kompanisë nga malware ose forma të tjera sulmesh kibernetike. Normalisht këto persona duhet të kenë një diplomë bachelor në shkenca kompjuterike ose në një disiplinë të ngjashme dhe përvojë të mëparshme pune në sisteme kompjuterike.
Si pozicionohet Shqipëria në mundësitë e punësimit për këto profesione?
Hapat e parë në këtë drejtim po hidhen edhe në vendin tonë ku çdo ditë e më shumë shohim të rinj që po investojnë në dijet e tyre dixhitale dhe teknologjike. Së fundmi jemi njohur me një skuadër të re dhe shumë premtuese në një prej kompanive më të mëdha ndërkombëtare për shërbime profesionale. Po flasim për Deloitte Digital, skuadra më e re në Deloitte që ofron shërbime dhe konsulencë dixhitale për kompanitë më të mëdha ndërkombëtare. Shumë të rinj po i bashkohen kësaj skuadre si një mundësi shumë e mirë zhvillimi dhe karriere në botën e së ardhmes dixhitale.
Pozicionet e hapura në Deloitte Digital i përkasin çdo kategorie dhe niveli. Mjafton të klikosh këtu për t’i zbuluar.
