Nëse e përdorni Windows 10 prej disa vitesh, ju me shumë mundësi i dini shortcut-et kryesore si Ctrl+C ose Ctrl+V. Mirëpo ky sistem operativ mundëson shumë e më shumë shërbime të tjera që mund të lehtësojnë punën tuaj. Tani ne do të listojmë disa prej tyre:
SNIP & SKETCH
Snip & Sketch është një shërbim që lejon përdoruesit të bëjnë screenshot, ta editojnë atë dhe ta shpërndajnë me miqtë e tyre. Për ta aktivizuar atë mjafton të kombinoni tastat Windows+ Shift+ S, ose duke hapur action Center dhe duke klikuar në opsionin Screen Snip. Ky shërbim është mjaft i përshtatshëm ju mund ta shpërndani screenshot-in në Twitter ose mund të kopjoni një pjesë të hartës për të ndihmuar shokët që t’ju gjejnë.
CLIPBOARD HISTORY
Nën këtë shërbim ju mund të gjeni të gjitha gjërat që ju keni kopjuar së fundi dhe t’i ripërdorni ato. Për të hapur Clipboard History, mjafton të shtypni tastat Windows + V. Gjithashtu ju mund të bëni pin një tekst ose logo që keni kopjuar më parë nga lista.
BATTERY REPORT
Shpesh herë ne jemi të shqetësuar pasi bateria e laptopit tonë ka filluar të shkarkohet më shpejt. Battery Report tani ju mundëson që të gjeni informacione mjaft të detajuara rreth mënyrës se si bateria e laptopit është përdorur. Në këtë artikull ne kemi shpjeguar hap pas hapi se si të veproni për të krijuar një Battery Report.
TOUCHPAD SHORTCUTS
Në qoftë se ju keni Precision Touchpad, ju mund të bëni shumë më tepër se vetëm të klikoni. Nëpërmjet rrëshqitjes me 3 gishta ju mund të navigoni midis dritareve që keni hapur për momentin, prekja me dy gishta funksionon dhe si një right-click ndersa prekja me katër gishta ju mundëson hapjen e Action Center. Që nga koha e publikimit të këtyre shortucuts touchpad-i për Windows është përmirësuar tej mase.
