Të dhënat nga më shumë se 20,000 njerëz kanë zbuluar një lidhje midis depresionit dhe temperaturës së trupit – personat me depresion regjistruan temperatura pak më të larta.
Megjithëse ka shumë pyetje që duan një përgjigje, studimi diskuton mundësinë e përdorimit të trajtimeve që ulin temperaturën trupore në të ardhmen në personat që vuajnë nga depresioni.
Studimi zgjati për shtatë muaj, duke filluar në fillim të vitit 2020, dhe përfshiu vullnetarë nga 106 vende. Pjesëmarrësit gjurmuan të dhënat e temperaturës së trupit të tyre duke përdorur një unazë inteligjente Oura. Qëllimi kryesor i studimit, i quajtur TemPredict, ishte të vlerësonte nëse gjurmimi i temperaturës mund të ishte një mjet i dobishëm për zbulimin e hershëm të COVID-19, rezultate që u raportuan në vitin 2022.
Përveç regjistrimit të temperaturës së trupit një herë në ditë, pjesëmarrësit plotësuan një anketë mujore që përfshinte një pyetësor diagnostik për simptomat e depresionit. Analizimi i të dhënave tani ka zbuluar se personat me nivele më të larta të simptomave të depresionit priren të kenë një temperaturë më të lartë trupore se personat e tjerë. Kishte gjithashtu një prirje drejt depresionit më të rëndë te njerëzit, temperatura e trupit të të cilëve ishte më e qëndrueshme gjatë një periudhe 24-orëshe, por ky zbulim nuk ishte statistikisht i rëndësishëm.
Ne gjithashtu nuk e dimë nëse temperaturat më të larta të regjistruara te njerëzit në depresion janë për shkak të faktit se trupat e tyre gjenerojnë më shumë nxehtësi se zakonisht, ose sepse aftësia e tyre për të rregulluar temperaturën e tyre është e dëmtuar.
Është kjo që autori kryesor i studimit Ashley Mason është i interesuar të eksplorojë më tej. Një numër i vogël provash sugjerojnë një përfitim të mundshëm nga trajtimi i depresionin nëpërmjet saunave ose jogas e nxehtë. Mund të ndodhë që rritja artificiale e temperaturës së trupit nxit aktivizimin e mekanizmave të vetëftohjes, si djersitja.
“Ironikisht, ngrohja e njerëzve në fakt mund të çojë në uljen e temperaturës së trupit, e cila zgjat më shumë sesa thjesht ftohja e njerëzve drejtpërdrejt, si përmes një banjë akulli,” shpjegoi Mason në një deklaratë.
