Seria budget e OnePlus e quajtur Nord do të rifreskohet me një tjetër model të ri, OnePlus Nord N20. Kompania ka shpërndarë një pamje të parë zyrtare të kësaj pajisje me PCMag dhe konfirmuan se pajisja do të prezantohet më vonë gjatë këtij muaji.
OnePlus Nord N20 vjen me një dizajn të ri që ka korniza të sheshta, tepër të ngjashme me iPhone 13 dhe Samsung Galaxy S22. Në pjesën e pasme gjenden dy sensorë të mëdhenj, një flash dhe një sensor të tretë të vogël macro ose depth field.
Ekrani i Nord N20 duket se ka bezels shumë të holla dhe një hole punch në skajin e majtë të pajisjes. OnePlus ka konfirmuar se ekrani vjen me teknologjinë AMOLED dhe do të ketë madhësi 6.43 inç. Megjithatë refresh rate do të jetë 60Hz dhe rezolucioni FHD+. Për të rritur sigurinë në këtë pajisje ju mund të përdorni sensorin e shenjës së gishtit nën ekran.
OnePlus tregon se ekrani do të ofrojë “kontrast më të mirë, ngjyra më të ndezura që vijnë nga një gamë më e gjerë”. Ende të pakonfirmuar janë informacionet rreth sistemit operativ (mendohet se do të vijë me Android 11), proçesorit të përdorur, rezolucionit të kamerave (ndoshta ajo kryesore 48MP dhe ultraëide 8MP) dhe çmimit.
