Vitin e kaluar Xiaomi lançoi telefonin më të hollë të palosshëm në botë, Mix Fold 2 dhe një vit më vonë Xiaomi po sjell Mix Fold 3 si një vazhdim të denjë me përmirësime në shumë sektorë.
Xiaomi Mix Fold 3 vjen me menteshë të rafinuar, lente periskop dhe çip Snapdragon 8 Gen 2. Mix Fold 3 është edhe më i hollë se paraardhësi i tij, vetëm 5,26 mm në gjendjen e tij të shpalosur dhe 10,89 mm kur paloset. Inxhinierët e Xiaomi projektuan një motherboard të ri të vendosur vertikalisht, i cili ndihmoi në reduktimin e madhësisë së telefonit.
Xiaomi gjithashtu zhvilloi një menteshë krejtësisht të re që përbëhet nga 198 komponentë dhe zë 17% më pak hapësirë të brendshme. Mentesha e re vjen me një shtrëngim me 3 elementë dhe 14 mikro-mentesha që futen në ekranin kryesor të palosshëm për qëndrueshmëri të përmirësuar dhe një mekanizëm rrotullues prej çeliku qeramik të karbonit. Mentesha e re e Mix Fold 3 lejon gjithashtu një hapje 45°-135° për të mbajtur telefonin si një mini laptop.
Mix Fold 3 ka dy ekrane OLED E6. Paneli kryesor LTPO 8,03 inç vjen me një rezolucion 1,960 x 2,160 px dhe një ritëm rifreskimi të ndryshueshëm 120 Hz. Paneli përmban xhami ultra të hollë (UTG) dhe ofron mbështetje për HDR10+ dhe Dolby Vision. Ekrani i jashtëm 6,56 inç LTPO OLED është i mbrojtur nga Gorilla Glass Victus 2 dhe sjell deri në 2,560 nits ndriçim maksimal në modalitetin automatik.
Xiaomi pajisi Mix Fold 3 me një sistem me katër kamera Leica. Të pranishme janë një kamerë kryesore 50 MP Sony IMX800 (ekuivalente 23 mm) me OIS si dhe një modul ultra i gjerë 12 MP (ekuivalent 15 mm). Lentja telephoto mundëson deri në 5x zmadhim optik dhe janë të pajisur me OIS.
Mix Fold 3 ka një çip Snapdragon 8 Gen 2 me deri në 16 GB RAM dhe 1 TB memorie të brendshme. Mix Fold 3 ka një bateri më të madhe 4,800 mAh me të njëjtin karikim 67W si Mix Fold 2, por me karikim wireless të shtuar deri në 50W.
Versioni bazë i smartphone-it me konfigurim 12/256GB do të shitet në Kinë për $1,240.
