Xiaomi dhe Leica kanë lajmëruar ditën e djeshme se kanë arritur një marrëveshje për të bashkëpunuar për një kohë të gjatë në pjesën e kamerave të smartphone-ve. Pajsisja e parë që do të ketë kamera të zhvilluara nga bashkëpunimi më i ri pritet të vijë gjatë muajit korrik të këtij viti.
Xiaomi dhe Leica ndajnë të njejtin mendim për sa i përket fotografimit nëpërmjet smartphone-ve. Që të dy kompanitë janë vazhdimisht duke eksploruar performancën optike dhe dhe atë fotografike në kamerat e smartphone-ve përmes zhvillimeve të reja teknologjike dhe estetike.
“Xiaomi fokusohet në krijimin e eksperiencës më të mirë për përdoruesit dhe ka shpresuar gjithmonë që të çojë gjithmonë aftësitë e fotografisë në smartphone në ekstreme. Xiaomi dhe Leica kanë rënë dakord me idetë e përbashkëta dhe mbështesin avantazhet e secilës kompani. Ky bashkëpunim do të sjellë një përmirësim të madh në strategjinë e imazherve në Xiaomi.” tha themeluesi dhe CEO i Xaiomi Group, Lei Jun.
Nga ana tjetër, dhe përfaqësuesit e Leica bënë një deklaratë për shtyp ku tregonin sa të kënaqur ishin për arritjen e kësaj marrëveshje.
“Është një nder për ne që të lajmërojmë arritjen e këtij bashkëpunimi afatgjatë strategjik me Xiaomi. Leica dhe Xiaomi janë që të dyja kompani globale të cilësisë së lartë, dhe gjatë këtij proçesi të gjatë dhe të thellë të dyja kompanitë kanë punuar në mënyrë të sukseshme për të siguruar ofrimin e epokës së re të fotografimit në mobile. Ne jemi të bindur se pajisja e parë e krijuar në bashkëpunim mes dy kompanive do të jetë tregues i progresit që kemi arritur falë bashkëpunimit.” tha Matthias Harch, CEO i Leica Camera AG.
