Vivo X100 Pro+ do të jetë smartphone i parë që ofron zmadhim dixhital 200x

Deri më tani nuk ka ende një smartphone që vjen me një sensor 200MP në lenten telephoto, por kjo do të ndryshojë me sa duket në vitin 2024 nëse informacionet e bëra leak janë të vërteta.

Përdoruesi kinez i Weibo, Digital Chat Station ka treguar kohët e fundit më shumë informacione rreth modelit kryesor ende të papublikuar në serinë Vivo X100, i cili potencialisht mund të lançohet diku në vitin 2024 me emrin Vivo X100 Pro+ ose Vivo X100 Ultra. Sipas tij (shih gjithashtu screenshot-in e mëposhtëm), në këtë smartphone do të kombinohen një sensor afërsisht 1/1.5 inç 200 megapiksel, me shumë mundësi nga Samsung, me një lente telefoto 4.3x, të paktën ky është konfigurimi që aktualisht po testohet nga Vivo.

Me një focal length ekuivalente me 100 mm, kjo lente jo vetëm që duhet të jetë ideale për shkrepjen e portreteve, por edhe për të thyer rekorde për sa i përket zmadhimit dixhital. Konkretisht, zmadhimi 10x arrin cilësi pothuajse optike përmes zmadhimit. Përveç kësaj, ky kombinim duhet të lejojë edhe një maksimum prej 200x zmadhim dixhital. Natyrisht, mbetet për t’u parë se sa të mira do të duken këto pamje zmadhimi në fund.

Dy produktet e para të kësaj serie, X100 dhe X100 Pro janë prezantuar tashmë në treg me specifika mjaft konkurruese. Që të dy smartphone-t vijnë me një ekran 6.78 inç 120Hz OLED dhe me kamera të zhvilluara në baskëpunim me ZEISS.

X100 Pro vjen me një sensor 1 inç në kameran kryesore dhe rezolucion 50MP, ndërsa telephoto vjen me një zmadhim optik 4.3x. Smartphone-t fuqizohen nga proçesori flagship i MediaTek, Dimensity 9300. Modeli X100 Pro pritet të vijë dhe në tregun evropian, por çmimi nuk dihet ende. Në Azi, ky smartphone ka dalë në treg me një çmim fillestar prej €937.