Samsung Electronics ka prezantuar linjën e re të telefonave mobil Galaxy A56 5G, Galaxy A36 5G dhe Galaxy A26 5G, duke sjellë teknologjinë më të avancuar të inteligjencës artificiale në duart e edhe më shumë përdoruesve. Kjo është hera e parë që seria Galaxy A përfshin Awesome Intelligence, një përvojë e Inteligjencës Artificiale të gjithanshme, të fuqishme dhe të lehtë për t’u përdorur, që sjell mjete praktike dhe argëtuese për kërkime më të shpejta dhe përvoja vizuale të jashtëzakonshme.
AI inteligjente në një prekje
Falë një veçorie të dashur nga seria Galaxy S, përdoruesit tani mund të aktivizojnë ndihmësin AI përmes butonit anësor. Me një shtypje të gjatë, mund të lansohet Gemini, ndihmësi inteligjent i Google, duke e bërë navigimin dhe kërkimin më të shpejtë dhe më të zgjuar.
Funksione të fuqizuara nga AI për përditshmërinë
Seria më e re Galaxy A sjell veçori të dashura nga përdoruesit si: Circle to Search me Google, ku mjafton të bëni një rreth në ekran për të kërkuar informacion në çast, Object Eraser që heq me lehtësi elementët e padëshiruar nga fotografitë tuaja për një pamje më të pastër, ndërsa me Filters, mund të krijoni efekte të personalizuara bazuar në imazhet e preferuara, ndërkohë Best Face kombinon shprehjet më të mira nga disa foto në një të vetme, që të gjithë të duken perfekt.
Ekran i fuqishëm dhe përformancë e përmirësuar
Galaxy A56 5G dhe A36 5G janë të pajisur me një ekran 6.7″ FHD+ Super AMOLED që ofron një ndriçim maksimal deri në 1200 nits, për një përvojë të gjallë vizuale në çdo ambient. Të tre modelet kanë bateri 5,000mAh, për përdorim të gjatë pa ndërprerje.
Për më tepër, A56 5G dhe A36 5G vijnë me një dhomë avulli të zgjeruar, për një multitasking më të lehtë, lojëra pa ndërprerje dhe video më cilësore.
Tre modelet në serinë e re A kanë një sistem me tre kamera, me një lente kryesore 50MP në të gjitha pajisjet. Galaxy A56 5G dhe A36 5G kanë regjistrim HDR 10-bit në lentet e përparme, i cili ofron selfie të ndritshme dhe të qarta.
Galaxy A56 5G vjen me Nightography të përmirësuar, duke mundësuar foto me zhurmë të ulët dhe rezolucion të lartë në kamerën selfie 12MP. Gjithashtu, ofron mbështetje shtesë për kamerën e gjerë, duke ju ndihmuar të merrni fotografitë më të mira edhe në mjedise me dritë të ulët.
Siguri dhe jetëgjatësi
Të gjitha modelet janë të mbrojtura me Samsung Knox Vault, duke ofruar një shtresë të fortifikuar sigurie dhe transparencë për përdoruesit. Për më tepër, telefonët Galaxy A të rinj janë ndërtuar për përdorim afatgjatë me deri në gjashtë gjenerata përditësimesh të sistemit operativ dhe gjashte vite përditësimesh sigurie.
