Sigurisht ne mund të konsiderojmë Samsung Galaxy S22 Ultra si smartphone-in Android më të mirë në treg, i cili vjen me One UI 4.1 të bazuar në Android 12. Ndryshe nga paraardhësit e saj, Samsung Galaxy S22 Ultra ka të integruar në trupin e saj dhe një S Pen.
Sigurisht që ky smartphone ka aftësinë të zbulojë nëse S Pen nuk po ruhet në vendin e caktuar, por së shpejti në S22 Ultra do të vijë një shërbim i ri i cili do t’ju ndihmojë ta gjeni S Pen tuaj. Nëse ju përdorni S Pen Pro aktualisht në pajisjen tuaj, kjo aftësi është e pranishme në smartphone dhe ju mund ta përdorni atë.
Për sa kohë shërbimi ofrohet për S Pen Pro, i cili duhet të blihet në mënyrë të veçantë dhe jo në S Pen, i cili përdoret më tepër pasi është i integruar në pajisje, fansat ishin disi të mërzitur dhe po kërkonin prej kohësh ardhjen e këtij shërbimi.
S Pen është disi i vogël, prandaj nuk do të ishte një surprizë nëse një person do ta humbiste atë. Nëpërmjet këtij update ju do të mund ta lokalizoni më lehtësisht.
