Pra 5 gushti erdhi dhe pritja ia vlejti, Galaxy Unpacked nuk zhgënjen, asnjëherë.
“Kurrë më parë nuk jemi mbështetur kaq shumë në teknologji sa sot. Kështu po qëndrojmë të lidhur ndërsa navigojmë sfidat e jashtzakonshme me të cilat përballemi kudo nëpër botë.” U shpreh Dr. TM Roh, President dhe Kreu i Mobile Communications Business të Samshng Electronics.
E vërtetë, në ditë të tilla teknologjia duhet të na japi një dorë që gjithçka përveçse të jetë më cilësore duhet të jetë edhe më e shpejtë. Dhe Samsung përpiqet të bëjë pikërisht këtë teksa nëpërmjet sistemit Galaxy portetizuar në 5 aparateve të prezantuara ditën e sotme; Galaxy Note 20 dhe 20 Ultra, Tab S7 dhe S7+, Galaxy Watch3, Galaxy Buds Live dhe Galaxy Z Fold2.
Por arsyeja e vërtetë përse jemi këtu është qartazi Galaxy Note 20, ndaj pa e zgjatur shumë ja çfarë na pret këtë gjeneratë.
S Pen ka qenë tipar dallues i Note, ndërsa të tjerët përpiqen të kapin hapin Galaxy i duhet të konkurojë me veten ndaj edhe ka bërë pikërisht këtë duke shtuar lehtësirat që ofron, mund të përdoret njësoj edhe tek Tab S7. E për më tepër falë partneritetit me Microsoft, Note 20 dhe Windows PC punojnë fare lehtë bashkë.
Përveç faktit se shënimet mund të aktivizhen kurdo dhe kudo, jo më kot quhet Note, S Pen tani merr kontrollin kudo të jesh pavarsisht aplikacionit që je duke përdorur, me anë të gjesteve të cilat të kthejnë prapa, pas apo edhe në Home Screen.
Komunikimi mes aparateve e shërbimeve është më inteligjent se kurrë, pavarsisht kompiuterit, tabletit apo smartphone Samsung Note ka funksione auto-save që të bëjnë ta harrosh njëherë e mirë “obobo-në” e një pune të pa ruajtur. Konvertimi i shënimeve në material të përpunueshëm në çfarëdo formati, si dhe kalim të tij në çfarëdo platforme të imagjinueshme.
Jo vetëm materialet por edhe aplikacionet e smartphonit tënd mund të aksesohen lehtë nga PC jot.
Vëmendje e veçantë kësaj radhe i është dedikuar video-lojrave, sepse: 2020 plak, edhe gjyshet po luajnë PUBG.
Përtej ofertës së performancës më ë fuqishme në treg, përtej rezolucionit të dedikuar dhe raportit të freskimit me një maksimum prej 120Hz por automatikisht të ndryshueshëm për menaxhim më të shëndetshëm baterie dhe energjie, nëse ke një Xbox Game Pass Ultimate, mund të luash direkt në smartphone nga një librari e kuruar me mbi 100 lojra. Minecraft Dungeons, Forza Horizon 4, Gears of War 5 janë vetëm disa prej tyre.
Dhe shkojmë padyshim në një pikë që të gjithve na intereson: kamera.
Kësaj radhe Samsung përpiqet të na japë gjithe setin e xhirimit në pak aparate, sepse 2020 plak të gjithë janë influencers.
Seti i sensorëve ndryshon nga njëra tek tjetra, Note 20 paketon 12MP/64MP/12MP ndërsa eksperienca Ultra 108MP/12MP/12MP. Çfarë do të thotë kjo?
Regjistrim në 8K në 24fps, gjithçka manuale, fokus manual, exposure, ndriçim, strumente zmadhimi/zvogëlimi dhe 120fps në FHD për të kapur nivele kinemaje. Sensori Laser Auto-Focus në Galaxy Note 20 Ultra kap fokusimin automatik ose manual më të detajuar ndonjëherë super saktë, për më tepër Live Focus Video ofron efektin bokeh edhe në video.
Tashmë mund t’i japësh drejtim edhe mikrofonit teksa regjistron ose për kualitet më profesional përdor Galaxy Buds Live, të cilat pavarsisht sa zhurmë ka vërdallë ofrojnë regjistrim të pastër kristal.
Advanced Samsung Dex lejon ta lidhësh pa kabull me çfarëdo smartTV nëse të duhet një ekran më i madh. Jo vetëm kur regjistron por edhe nëse je duke luajtur në smartphone ke një ekran të dytë për mesazhet apo funksione të tjera.
Dhe së fundmi Note20 bart në vete proçesorin më të fuqishëm në ndonjë Galaxy ndonjëherë. Qoftë Exynos 990 apo Snapdragon 865+ të dy janë 7nm+, ndaj askush nuk humb asgjë. Ashtu siç pritej në një Note hapsira fillon tek 256GB UFS 3, pra lexim i shpejtë dhe durabilitet. 8GB RAM për Note20 dhe 12GB për Ultra pasi hey gjithë ai sensor kamere ka nevojë për kuaj fuqi.
Smartphonët dalin në treg në 21 gusht, Galaxy Note 20 do të kushtojë 949€ ndërsa Note 20 Ultra 1299€.
