Samsung prezantoi Galaxy Z Fold 6 Special Edition disa ditë më parë, dhe ai doli në shitje në Korenë e Jugut më 25 tetor.
Ky produkt surprizë duket se ka tërhequr shumë admirues sepse u shit e gjitha brenda 10 minutave nga momenti i daljes në shitje. Sipas Sammyfans, duke cituar një njoftim zyrtar nga Samsung, shitjet e Galaxy Z Fold 6 Special Edition filluan 7 orë me vonesë në ditën që ishte menduar të dilte.
Vetëm 10 minuta pasi u bë i disponueshëm në faqen e internetit të Samsung, që të gjitha njësitë u shitën dhe nuk kishte më produkte në stok. Ditë më vonë, Galaxy Z Fold 6 SE është ende i padisponueshëm në faqen e internetit koreane të kompanisë, me një njoftim në krye që thotë: “I gjithë stoku i përgatitur është shitur“.
Është shumë e mundur që Samsung nuk ka përgatitur një sasi të madhe të Z Fold Special Edition, pasi në të njejtën kohë duhet të shiten dhe njësitë e zakonshme të Galaxy Z Fold 6 që janë në magazina.
Është shumë e thjeshtë të kuptohet pse njerëzit do të dëshironin të merrnin një Z Fold Special Edition. Është më i fuqishëm se Galaxy Z Fold 6 standard për shkak të disa përmirësimeve, duke përfshirë një kamerë kryesore 200MP, krahasuar me kamerën 50MP të modelit të rregullt. Për më tepër, Galaxy Z Fold 6 Special Edition vjen me 16 GB RAM, duke ofruar performancë më të mirë multitasking dhe AI krahasuar me RAM standard 12 GB. Një tjetër ndryshim kryesor është mbështetja e tij për Wi-Fi 7, duke ofruar lidhje më të shpejtë sesa Wi-Fi 6e i Galaxy Z Fold 6.
Të kombinuara me të njëjtin procesor Snapdragon 8 Gen 3 për Galaxy, këto përmirësime e bëjnë Edicionin Special një pajisje më të fuqishme. Ai gjithashtu vjen me një dizajn të ri më të hollë dhe më të lehtë.
