Apple po vlerësohet shumë gjatë këtyre ditëve për përmirësimet e bëra në versionin e ri të sistemit operativ iOS 17, duke përfshirë këtu një version horizontal për always-on display, në të cilin shfaqen informacione kryesore si ora, data, parashikimi i motit apo dhe widgets të tjera gjatë kohës që pajisja karikohet.
Megjithatë një gjë e tillë është e pranishme dhe në OneUI 5 për të gjithë smartphone-t Samsung, vetëm se nuk është reklamuar kaq shumë sa në rastin e shërbimit “StandBy” të Apple.
Përdoruesit e smartphone-ve Samsung mund të aktivizojnë këtë pamje horizontale të always-on display për të shikuar orën, njoftime të ndryshme si dhe median që mund të jetë duke u luajtur. Dhe widgets në këtë hapësirë janë të integruara mjaft mirë.
Si të aktivizoni versionin e “StandBy mode” në një Samsung Galaxy.
Avantazhi i aktivizimit të këtij shërbimi në një pajisje Samsung është se ju nuk keni nevojë që të vendosni smartphone-in në karikim për të shfaqur këtë shërbim.
- Si fillim, shkoni në Settings
- Gjeni Lock Screen
- Zgjidhni Always-on Display
- Klikoni në Screen Orientation
- Zgjidhni Landscape
Më pas ju mund ta testoni këtë shërbim shumë thjesht. Mjafton të fikni ekranin e pajisjes tuaj dhe prisni sa të aktivizohet always-on display.
