Google ka arritur të përmirësojë Airplane mode në Android duke bërë që lidhja në Wi-Fi të mos shkëputet kur ju aktivizoni këtë modalitet. Një lajm tjetër akoma dhe më i mirë është se ju nuk do të keni nevojë të rifreskoni pajisjen tuaj në Android 13 për të përfituar këtë shërbim. Në një artikull tregohet se pajisjet mjaftojnë të përdorin Android 11 ose versionet më të reja.
Megjithatë kjo gjë do të jetë e pranishme në smartphone-t Pixel. As smartphone-t Samsung si përshembull S22 Ultra nuk e kanë këtë shërbim për momentin. Në rast se ju keni një iPhone 14, ju jeni pa fat, pasi Apple tregon në dokumentet e saja të suportit se Airplane mode fik të gjithë valët përveç Bluetooth, dhe se për të aktivizuar Wi-Fi duhet të shkoni në Control Center.
Airplane mode ka patur shumë përmirësime gjatë kohëve të fundit. Në Android 11, shumë përdorues vunë re se lidhja e kufjeve të tyre me Bluetooth nuk u ndërpre pasi aktivizuan Airplane mode.
Ju nuk duhet të bëni asgjë të veçantë për të aktivizuar këtë shërbim, mjafton që të jeni të lidhur me një Wi-Fi para se të aktivizoni Airplane mode.
