Lenovo ka blerë Motorola prej disa vitesh, megjithatë kjo kompani vazhdon të prodhojë smartphone nën emrin e saj, duke përfshirë këtu dhe smartphone gaming.
Evan Blass, një leaker i njohur ndryshe si @evleaker në Twitter, ka shpërndarë disa specifika dhe renders që i përkasin dy smartphone-ve gaming që do të prezantohen nga Lenovo. Këto pajisje do të jenë pasardhës të Legion Phone Duel 2.
Të dy smartphone-t pritet të kenë ekrane 9.92 inç AMOLED me 144Hz refresh rate, proçesor Snapdragon 8 Gen 1, dy qeliza baterish 2,800mAh (5600mAh në total) karikim të shpejtë 68W, dy porta USB-C, dy freskuese dhe speaker Dolby Atmos. Smartphone-i i quajtur Legion 3 Elite do të ketë 12GB RAM dhe 256GB internal storage, ndërkohë që Legion 3 Elite Pro do të ofrohet në 2 versione të ndryshme – 12/128GB ose 18/512GB. Blass thotë se versioni Pro do të ketë një SSD 128GB shtesë, por nuk është e qartë se si do të realizohet.
Njësoj si Legion Phone Duel 2, të dyja pajisjet do të kenë një dizajn në pamjen horizontale, me sistemin e kamerave të vendosur në qendër të pajisjes, në mënyrë që të mos ju ndërpresë ndërkohë që luani video-lojra. Në total në këto pajisje gjenden 8 butona virtualë. Sigurisht nuk mund të mungonin dhe dritat RGB.
Të dy smartphone-t pritet të prezantohen gjatë çerekut të parë të 2022.
