Pas incidentit mes policisë dhe viktimës George Floyd në 25 Maj, Shtetet e Bashkuara të Amerikës janë ndezur flakë, rracizmi dhe brutaliteti janë në qendër të vemendjes dhe besimi tek strukturat policore kanë rënë.
Në përgjigje të autoritetit që efektivët e policisë zotërojnë dikush ka gjetur mënyrën si të angazhojë smartphonin në modalitet mbrojtës vetëm me një komandë.
Me të thënë me zë të lartë “Siri po më ndalon policia” çdo muzikë do të ndalojë, ndriçimi i ekranit bie, dhe modaliteti “do not disturb” ndizet. Smartphoni automatikisht dërgon një mesazh një kontakti të paracaktuar, ku njoftohet për çfarë po ndodh si dhe vendndodhjen e përdoruesit. Kamera frontale ndizet dhe smartphoni fillon të regjistrojë gjithçka. Me të mbyllur regjistrimin, një kopje i dërgohet një kontakti si dhe opsionet për ta ngarkuar në Dropbox apo iCloud janë të disponueshme.
Për fat të keq opsioni është i disponueshëm vetëm për iPhone dhe duhet të kesh instaluar më përpara Shortcuts. Një aplikacion i cili të lejon të programosh një sërë funksionesh për t’i aktivizuar me të urdhëruar Siri-n. Për Android ekzistojnë alternativa si Stop and Frisk Watch , i cili me një të prekur të ekranit fillon të regjistrojë incidentet.
Për të shkarkuar opsionon e Siri mund të klikosh këtu.
Krijuesi Robert Peterson thotë se shumica e efektivëve të policisë tashmë janë të pajisur me kamera, andaj kjo do ishte varianti i një civili, i cili nuk dëmton askënd në asnjë mënyrë përkundrazi garanton më shumë siguri për të dyja palët.
If anyone was having an issue with ‘Application Not Found’ error with my police recording shortcut, please try this version and let me know if it helped:https://t.co/gFrOSdBV6W
— Robert Petersen (@Sonikku_a2) June 15, 2020
