Nëse ke një iPhone 8 apo më lart dhe ke iOS 14 të instaluar në të, mund të hapësh çfarëdo “shortcut” që dëshiron me dy ose tre goditje në pjesën e pasme.
Një shortcut mund të jetë një aplikacion, shërbim ose një sërë veprimesh të paracaktuara në Siri. Me ndihmën e sensorëve të brendshëm aparati jot arrin të kuptojë nëse je duke i dhënë disa goditje të qëllimta.
Mund t’i kesh këto shkurtore edhe nga aplikacioni Shortcuts, por për aktivizim me trokitje ndiq hapat e mëposhtëm.
1. Shko tek Settings.
2. Futu tek Accessibility dhe zgjidh Touch
3. Nga këtu zgjidh Back Tap
4. Këtu do të të shfaqen dy mundësi, njëra me dy goditje e tjetra me tre. Të dyja mund të programohen në veçanti.
Pasi ta kesh zgjedhur shortcut-in një shenjë konfirmuese do të kalojë anash saj. Nëse asgjë nuk të shfaqet në listë do të thotë që nuk ke asnjë shortcut të paracaktuar ndaj hidhu tek aplikacioni dhe cakto shkurtoret që dëshiron e më pas rikthehu këtu për të aktivizuar Back Tap.
