Për herë të dytë gjatë kësaj dekade, shitjet e smartphone-ve në mbarë globin kanë rënë nën 100 milionë njësi. Kjo gjë bëhet e ditur nga një raportim nga CounterPoint Research i quajtur Market Pulse Service, në të cilin tregohet se shitjet e smartphone-ve ranë në 96 milionë njësi.
Krahasuar me muajin prill, shitjet e smartohone-ve në maj panë një rënie me 4%, ndërkohë që krahasuar me muajin maj të vitit të mëparshëm, rënia ishte 10%.
Për herë të parë tregu i smartphone-ve pa një rënie nën 100 milionë menjëherë me fillimin e pandemisë COVID-19. Kësaj rradhe Counterpoint tregon se shkaqet kryesore të rënies së kësaj shifre janë lufta e vazhdueshme Rusi-Ukrainë, inflacioni në kombe të ndryshme dhe kufizimet e qeverisë kineze për të parandaluar përhapjen e koronavirusit . Këto janë me të vërtetë shqetësime mjaft kryesore në tregun e pajisjeve smart, por jo vetëm.
“Presionet nga inflacioni po i bëjnë konsumatorët më pesimistë rreth globit, dhe ata po shtyjnë blerjen e produkteve jo të domodoshme, duke përfshirë këtu dhe smartphone-t. Forcimi i dollarit amerikan po dëmton gjithashtu ekonomitë në ngritje.” tha Tarun Pathak, drejtues i kërkimit në Counterpoint.
Për shkak të rënies së kërkesës, prodhuesve të smartphone-ve u ngelin shumë njësi të pashitura në inventor. Besohet se situata do të përmirësohet gjatë gjysmës së dytë të vitit.
