Periudha e festave, sidomos Krishtlindjet dhe Viti i Ri, na bëjn më të predispozuar për të shpenzuar për gjëra të reja, smartphonët hyjnë në kategorinë e sendeve më të tregtuara dhe këtë e dimë. E me të blerë një aparat të ri, të vjetrin ose ia trashëgojmë dikujt në familje ose në rastin më të ndeshur e shesim. Ajo që nuk dimë ama është që me këtë shitje vjen edhe një rrezik potencial për të dhënat e ruajtura aty. Mund të mendosh që ke fshirë gjithçka, por statistikat tregojnë se një pjesë e konsiderueshme lënë pas të dhëna të ndjeshme.
Alarmin e ngre NSCS Qendra Nacionale për Sigurinë Kibernitike për Mbretërinë e Bashkuar (po, shtetet moderne e kanë një të tillë) në një këshillë publike për këdo që zgjedh që ta shesë smartphonin e vjetër. Llogari bankare, foto pashaporte dhe të dhëna të tjera delikate janë nxjerrë nga smartphonët e shitësve që ishin shumë të bindur se kishin fshirë gjithçka, kjo sipas një studimi nga University of East London. Rreziqet pasojnë prej një neglizhence të tillë janë katastrofike.
Ndërsa sa i takon krahut tjetër, blerësit të një smartphoni të përdorur, këshillohet që të marrësh një smartphone i cili vijon të marrë përditësimet e sigurisë. Aparate që nuk marrin paketat e nevojshme të sigurisë nga prodhuesi janë rrezik potencial jo vetëm për virusin por edhe për të dhënat nga më sensitivet.
