Informacionet e fundit të bëra leak rreth Galaxy S23 FE tregojnë për një lançim të afërt pasi është shfaqur një leak i ri që tregon telefonin dhe ngjyrat e tij në një imazh me pamje shumë zyrtare.
Vizualisht, telefoni duket jashtëzakonisht i ngjashëm me Galaxy S23, deri te sensorët individualë të kamerës që dalin nga pjesa e pasme dhe korniza relativisht e sheshtë. Korniza e ekranit është dukshëm më e trashë, veçanërisht në pjesën e poshtme, gjë që duhet ta bëjë pak më të lehtë dallimin e këtij modeli nga homologët e tij kryesorë.
Ky leak tregon se Galaxy S23 FE do të vijë në katër ngjyra të ndryshme, dhe sipas MSPoweruser, telefoni do të jetë i disponueshëm në ngjyrat Pearl White, Black Graphite, Purple Lavender dhe Olive. Nuk mund të dallohet shumë tjetër nga imazhi përtej asaj që kemi dëgjuar tashmë nga thashethemet dhe kemi parë në informacionet e mëparshme.
Pritet që ky smartphone të prezantohet dikur gjatë tremujorit të katërt 2023, ndoshta që në tetor. Në varësi të rajonit, ai do të vijë me proçesor Snapdragon 8 Gen 1 ose Exynos 2200. Samsung e ka anashkaluar lançimin e një Galaxy S22 FE, në mënyrë që klientët të tërhiqen nga një model më i ri dhe S23 FE do t’u jepte atyre një përvojë të ngjashme me Galaxy S23, por me një çmim më të lirë.
Përveç telefonit, Samsung mund të lançojë edhe pajisje të tjera Fan Edition para fundit të vitit, si Galaxy Tab S9 FE dhe Galaxy Buds FE. Këto potencialisht mund të prezantohen të gjitha së bashku gjatë një eventi specifik dhe do t’u jepnin konsumatorëve shumë opsione me kosto më të ulët përpara sezonit të festave.
