Kur Samsung zbuloi Galaxy Z Fold6 dhe Galaxy Z Flip6 në fillim të këtij muaji, kompania prezantoi dhe shërbimet ekskluzive për telefonat e rinj të palosshëm. Megjithatë, kjo mund të jetë e përkohshme.
Një menaxher i komunitetit korean në një bord zyrtar të Samsung zbuloi se disa shërbime nga One UI 6.1.1 të ofruara nga telefonat e palosshëm do të vijnë në pajisjet më të vjetra Samsung. Forumi po diskutonte veçanërisht për veçoritë e kamerës në pajisjet Samsung. Me këtë në mendje, ne e dimë se veçoritë specifike të kamerës si zmadhimi automatik dhe Flex Camcorder duhet të vijnë deri në Galaxy Z Flip 5.
Z Flip 4 ka të njëjtën kamerë si Flip 5, kështu që nuk do të ishte befasuese nëse këto veçori do të vijnë dhe në atë telefon, por kjo nuk është konfirmuar. Instant Slowmo, supozohet të vijë në linjën Z Fold 5, Z Flip 5, Galaxy S23 dhe serinë Galaxy Tab S9. Linja S24 tashmë e ka këtë veçori.
Portrait Studio dhe Sketch to Image do të vijnë gjithashtu në disa pajisje të tjera Galaxy. Këto përfshijnë seritë S22, S23 dhe S24, S23 FE, Z Fold 4 dhe 5, Z Flip 4 dhe 5 dhe seritë Galaxy Tab S8 dhe S9. Portrait Studio dhe Sketch to Image kanë funksion të ngjashëm, i pari merr foto dhe i kthejnë ato në skica, karikatura ose piktura dhe e dyta kthen vizatimet në imazh.
Të gjitha pajisjet e mësipërme do të marrin gjithashtu Live Effect, një mjet që shton thellësi 3D në imazhet 2D. Në anën e redaktimit, ato pajisje janë planifikuar gjithashtu të marrin Motion Clipper dhe Translation.
Motion Clipper ndihmon në krijimin e GIF-ve, të cilat gjithashtu mund të shndërrohen në stickers. Përkthimi analizon tekstin në imazhe dhe ofron një përkthim ndërsa përpiqet të përputhet me sfondin origjinal. Një veçori unike që pritet të shfaqet vetëm në seritë Galaxy S23 dhe Galaxy S24 është Astro Portrait. Ky mjet ju lejon të kapni imazhe astrofotografike me një person në plan të parë.
