Linja e smartphonëve Galaxy A tek e cila Samsung zakonisht bën testet e saja, do të sjellë një tjetër risi, atë të 5 sensorëve të kamerës. Kjo nuk është hera e parë që ndodh në një smartphone, Nokia 9 PureView e ka bërë me kohë, por për Samsung po.
Samsung Galaxy A72 do të ketë një set të pesfishtë; 64MP kryesore, 12MP ultra e gjerë, 8 MP telephoto, 5MP macro dhe 5MP sensor thellësie.
Një thashethem qarkullon se ndoshta A72 do të jetë i pari A me stabilizim optik, kjo do të ishte një fitore për të gjithë pasi një opsion i tillë i rezervuar për produkte më të kushtueshme do të bëhej më i aksesueshëm.
Sa për kamerën frontale do të ketë vetëm një të tillë prej 32MP.
Së bashku me të do të vijë edhe Galaxy A52, pjesë e debutimit të pasardhësve më të fundit të linjës A.
