Samsung sapo ka prezantuar një sensor të ri me rezolucion 200MP që do të përdoret në kamerat e smartphone-ve, i cili do të jetë sensori me rezolucionin më të lartë të prodhuar ndonjëherë.
Kompania e quan teknologjinë pixel-binning të sensorit ISOCELL HP1 “ChameleonCell”. Modaliteti 12.5MP është përgatitur për t’u përdorur në rastet kur ndriçimi është i ulët, por sensori mund të shkrepë dhe fotografi me rezolucion të plotë prej 200MP, ose mund të përdorë një teknikë binning 2 me 2 për të shkrepur fotografi 50MP.
Teknika binning 2×2 do të lejojë përdoruesit të regjistrojnë dhe video 8K. Samsung thotë se ky sensor mund të regjistrojë video 8K pa bërë zmadhim, dhe pse 8K standarde është më pak se 50MP.
Samsung prezantoi dhe një sensor tjetër të quajtur ISOCELL GN5, i cili është një sensor 50MP me pixels 1.0μm, dhe kompania tregon se ky është sensori i parë 1.0μm-pixel që ka të integruar teknologjinë Dual Pixel Pro. Ky sensor është një version më i vogël i sensorit 1.4μm pixels GN2, i cili ishte sensori më i madh kur debutoi në Xiaomi Mi 11 Ultra këtë vit.
Samsung nuk ka konfirmuar se kur ky produkt do të prodhohet në masë, por disa prej tyre janë gati për t’u testuar nga prodhuesit e smartphone-ve.
