Samsung ka prezantuar Exynos 2200, proçesorin e ri për smartphone të prodhuar nga vetë kompania. Kjo është hera e parë që në një proçesor për smartphone përfshihet GPU me arkitekturën RDNA 2 graphics të AMD, që bën të mundur aktivizimin e shërbimeve si ray-tracing.
Ky bashkëpunim me AMD ka nisur që në vitin 2019, por vetëm gjatë vitit të kaluar u bë i mundur konfirmimi se proçesori i rrradhës nga Samsung do të përdorte teknologjinë RDNA2. Pak ditë më parë Samsung publikoi një postim ku lajmëronte se eventi i Exynos 2200 do të mbahej në datën 11 janar, por ky postim u fshi në mënyrë misterioze.
Exynos 2200 është prodhuar me proçesin 4nm EUV të Samsung. GPU brenda këtij proçesori quhet “Xclipse”, dhe David Wang nga AMD thotë se “ky është rezultati i parë i disa gjeneratave të planifikuara që do të përdorin teknologjinë RDNA në proçesorët Exynos”.
Në pjesën e CPU, Exynos 2200 përdor ARMV9 cores: një “flagship core” Cortex-X2, 3 Cortex-A710 për performancë të balancuar dhe 4 Cortex-A510 cores efiçiente. Arkitektura ISP është dizenjuar për të mbështetur sensorë kamerash deri në 200MP, një prej të cilave u prezantua vitin e kaluar.
Me shumë mundësi ky proçesor do të debutojë në pajisjet e reja të linjës Galaxy S22 shumë shpejt.
Article by Brenton Benja
