Samsung Electronics njoftoi lançimin e Galaxy A06, një smartphone që kombinon veçori premium me performancë të besueshme, i cili vjen me një çmim të përballueshëm. Galaxy A06 ofron një ekran të gjerë, kamerë të gjithanshme dhe jetëgjatësi të fuqishme të baterisë dhe veçori të qëndrueshme sigurie të Knox Vault, të gjitha të mbështjella me një dizajn modern dhe të efektshëm.
Ekran i madh për një eksperiencë shikimi zhytës
Konsumatorët që kërkojnë një pajisje të shkëlqyer në këtë kategori çmimi, do të përjetojnë një pamje më të madhe dhe më të qartë me ekranin TFT U-Cut 6.7” të Galaxy A06, i kompletuar me rifreskim të qetë 60Hz. Ky ekran i madh u ofron përdoruesve më shumë hapësirë për të shijuar video, lojëra dhe përmbajtje të tjera me qartësi dhe detaje të përmirësuara. Nëse po kërkoni një smartphone me dizajn elegant, Galaxy A06 përmbush të gjitha kërkesat: Është krijuar për ata që vlerësojnë estetikën elegante po aq sa dhe performancën e balancuar. Me një trashësi të reduktuar prej 8.0mm (nga 8.8mm në krahasim me modelin e mëparshëm) dhe në dispozicion në ngjyrat: e zezë dhe blu e hapur, A06 ofron një pamje të sofistikuar që bashkon në mënyrë perfekte stilin dhe komoditetin.
Adhuruesit e fotografisë do të vlerësojnë kamerën kryesore 50MP të Galaxy A06, e krijuar për imazhe me rezolucion të lartë. Kamera e thellësisë 2MP përmirëson fotografitë duke shtuar dimension, ndërsa kamera frontale 8MP siguron që selfie-t dhe thirrjet video të jenë po aq mbresëlënëse.
Galaxy A06 vjen me një sensor gjurmësh gishti anësor për çelësim të shpejtë dhe të besueshëm, si dhe shkurtesa të personalizueshme me dy shtypje për qasje të shpejtë në kamerë dhe aplikacione të tjera. Samsung Knox Vault shton një nivel shtesë sigurie, duke mbrojtur PIN-et, fjalëkalimet dhe informacionet private me enkriptim dhe izolim të avancuar, i ndërtuar nga hardueri lart poshtë.
Me baterinë 5,000mAh (tipike), Galaxy A06 siguron që përdoruesit të mund të shijojnë aktivitetet e tyre të preferuara pa pasur nevojë për karikim të vazhdueshëm. Kur ka nevojë për një ngarkim, teknologjia 25W Fast Charging karikon pajisjen shpejt, në mënyrë që përdoruesit të mund të kenë akses për më gjatë në smartphonet e tyre.
I fuqizuar nga procesori MediaTek G85, Galaxy A06 ofron performancë efikase dhe të besueshme për lojëra, transmetim dhe rrjetet sociale. I pajisur me memorie të brendshme të bollshme, pajisja mbështet shumëpërdorim dhe navigim të qetë nëpër aplikacione.
Galaxy A06 është ndërtuar për të zgjasur me deri në 2 gjenerata përditësimesh të sistemit operativ dhe 4 vjet mirëmbajtje të sigurisë, duke siguruar që telefoni të mbetet i azhurnuar me funksionalitetet më të fundit. Google Meet i integruar ofron thirrje video pa ndërprerje, të përshtatshme për komunikim personal dhe profesional. Për më tepër, funksionet Samsung Health dhe Digital Wellbeing ndihmojnë përdoruesit të monitorojnë shëndetin dhe të menaxhojnë kohën para ekranit në mënyrë efektive.
Galaxy A06 është i disponueshëm për vetëm 15,900 Lekë, ndërsa për më shumë informacione rreth produktit, ju lutem vizitoni Samsung.com.
